12buba NLA 19buba senden amentsü

Kohima, November 15 (TYO): 12buba Nagaland Legislative Assembly (NLA) 19buba senden December 14, 2017 nungi tenzüktsü, anungji 12buba NLA 19buba senden nung benoktsü atema department balala dang Government Business dak sendakba osangtem bendener Nagaland Legislative Assembly secretary nem agütsütsü mepishia metetdaktsür, ta tanü sorkar osang ka ajanga metetdaktsü.
Iba format ji December tanabuba hopta nung Business Advisory Committee senden nung benoktsü, aser kasaji December 4, 2017 tashi nung Secretariat ket tongtsütsü metetdaktsür, ta NLA Secretary, K. Sekhose-i metetdaktsü.