2 buba Test: India-i 1 buba anogo nung takok angu

Colombo, August 20 (Agencies): India opener, Lokesh Rahul-i tanü century yanglua kanga junga shilem agiba ajanga 2 buba Test asaya tetenzükba anogo nung India teloki Sri Lanka den temaba jenjang nguogo.
Rahul den yarisema, India skipper, Virat Kohli-ia runs 78 tashi yangluba yong India-i tanü runs 319 tashi yanglua temaba jenjang angu.
Tanü over 5 buba tashi nung Sri Lanka bowler, Dhammika Prasad-i runs 12 agüja wicket 2 tashi agia kanga junga asayaba yong mezüngbo India-i tamakok ajurutsüsa jenjang ajuru.
Ajisüaka, Rahul-i runs 108 agiba den külemi, Kohli-ia runs 78 tashi agiba densema tenati wicket 3 buba agiba mapang tashi nung India asoshi runs 164 yanglua India jenjang tajungba kümdaktsü.
Rohit Sharma-ia 6 asem aser 5 asem yangluba densema ajak agi runs 79 tashi yanglua maneni India jenjang tajungba küma tamalen ajungkettsüba yong India-i takok ngua tanü asaya tembang.
Ano külen, tanü asaya tenzükba jakdang, Sri Lanka tenüng nung 134 buba aser tatembangbuba Test asaya nung shilem agisang, Kumar Sangakkara nem tetushi agüja liasü.
Sangakkara-i tan Test asaya ya tembanga shilem agiba sülenbo Test asaya toktsütsü telemtetba agia lir.