2018 April ita nungi driving licence atema Aadhaar nüngdaktsü

Gurugram, September 16 (Agencies): Sangküm April ita nungibo driving licence aginertem aser ‘renewal’ asütsüpurtemi Aadhaar number agütsütsüsa akumtsü; Road transport ministry-i osang ka ajanga, nisung ka maitsü aser talidak kuli tejangja atema Aadhaar adentsü atema mepishiogo, ta metetdaktsü.
Gurugram nung Haryana Digital Summit sentong tembangba sülen osangbenertem den jembidang Union IT Minister, Ravi Shankar Prasad-i, “Iba dak sendakba onük nung ni Road transport & highways Union Minister, Nitin Gadkari den jembiogo, aser kobi melii driving license den Aadhaar sendakteptsü atema inyakyim tenzüktsü. Junga yimsüsüsü aser tashi agütsütsü atema Aadhaar ya hadir tajung ka lir. Iba inyakyim ajanga nisung ka ket nung licence aika aliba anema inyaktettsü,” ta ashi.
Taküm March 26 nüa osang ka ajanga, nisung ka tenüng nung driving licese aika aliba anema inyaktsü atema sorkari maparen ka tenzüktsü, ta metetdakja liasü.
Nisung tamajungertemi taila tenüng nung regional transport offices (RTOs) balala nungi driving license aika yanglua amshir.
Ministry ketdangser kati ashiba agi, Mongolbarnü Vadodara nung transport development council senden nung RTOs ajak, 1,300 central depository den sentdakteptsü atema jembitsü.
Iba council ya state transport indang tongti telok ka lir. 2014 küm National Informatics Centre (NIC)-i asadangtetba agi, tang India nung taila driving licences lakh 74 shi lir, aser iba züngdangbaji Hong Kong nütsüng yongzük den kasa shi lir. Iba mapang nungji NIC-i license crore 6 reprangdanga liasü.