22Motors ajanga smart electric scooter ‘Flow’ indang prototype saya

New Delhi, November 02 (Agencies): Smart electric garitem yangluba company, 22Motors Pvt Ltd ajanga Brehostibarnü smart scooter ‘FLOW’ prototype sayaogo. Artificial intelligence aliba smart scooter ya talisa tanü-asüng lanurtem atema lir. Iba brand nung ‘state of the art sensor’, smart features, lithium-ion storage aser Internet of things amala keta lir.
Iba 22Motors Pvt Ltd ya 2016 nung amenlok aser Research & Development ya mapang talangka agia aruogo.
Iba smart electronic vehicle ya mapang ajak nung cloud server den sentaktepa lir, anungji talongtsü ya meta talang nung liaka kiburi performance jenjang meteter. Iba scooter ya apusoba mapang talongtsü indang data ya touch dashboard display nung pa-sasa sayutsü.
Iba talongtsü asoshi mobile application densema lir, anungji talongtsü oset ajunga azüoktsü asoshi kanga mela lir. Iba scooter ya kiburi track sütettsü aser in-built geo-fencing aliba ajanga ashi-auer nungi kümzüktsü. Iba scooter ya tesem tasazük ka alema aoba mapang kibur nem osang agütsütsü aser kiburi smart app amshia talongtsü anendaktsütettsü.
Iba talongtsü ya tuozük seret 85 lir aser DC motors keta lir aser iba ya Lithium-ion battery ajanga mapa inyaktsü. Iba battery ya ghonda ana charge asüba ajanga 60 km/h nung kilometre 80 tashi aotsü akoktsü. Iba product ya dual battery nunga angutsü. Iba scooter nung telescopic suspension, in-built mobile charger aser helmet ana tashi inoktettsü. Iba Flow scooter jenjang ya sen 65,000 nungi 70,000 agi angutsü imlar.
“India nung customer tem nem Flow prototype sayutetba ajanga onok kanga pelar. Flow ajanga 22Motors Pvt Ltd nung bendanga agütsür inyakba sayur aser maneni tajungba yangluyunga aotsü. Iba talongtsü atema NCR, Pun easer Jaipur nung customer 500 dak nungi survey agiogo aser parnok telangzüba tajung liasü. Bhiwadi nung aliba manufacturing facility nung sen million 5-shi indokogo aser iba tesem nung aliba installed capacity ya unit 10,000 lir,” ta Twenty Two Motors nung CEO aser Co-Founder, Parveen Kharb-i ashi.