23buba Classic Cup: Kohima Eagles’ Semi Final-i iogo

Kohima, November 14 (Agencies): Tang tasayadak 23buba Classic Cup asayamung nung Kohima Eagles Sporting Club puri tanü asayakoka semi-finals-i iogo. Iba asayamung ya Classic Club puri ayongzüka Kohima local ground nung asayadaki.
Quarterfinal asaya tanabuba nung Kohima Eagles puri goal 7 agi Tyrants pur ajemshia kokogo
Asaya nung Kohima Eagle’s pur atema mezüngbuba goal minute 4buba nung Punuru Neinu-i idaktsü, aser iba sülen Petevizo-i minute 9 aser 13 buba nung goal tanabuba aser tasembuba idaktsü. Goal pezübuba Menguzelie-i minute 33buba nung idaktsü aser iba sülen ano pa par telok atema goal pongububa minute 51buba nung idaktsü. Asaya tenzüker minute 57 buba nung maneni Petivizo-i pa atema goal 3buba aser par telok atema trokbuba ta idakja asayamung nung hat-trick trok buba agütsüogo, iba sülen minute 66buba nung Akuo-o-i Eagle’s pur atema goal tenetbuba idakja parnoki asaya ayong ayonga kokogo.
Assaya nung Tyrants FC nungi asayar Ketozo aser Kohima Eagles nungi asayar Keviphretuo nem minute 48 aser 75buba nung yellow card kaka agütsü.
November 15 nü tasembuba QF asaya yamai alitsü:
New Market FC vs FC Chizami United @ 2:00 pm