23buba Classic Cup: Tyrants FC, Ethereal FC aser Naga Terriers puri tanü asaya kokogo

Kohima, November 4 (TYO): “Creating a better world through football” omen nung ajemdaker, Classic Club-i ayongzüka Kohima Local Ground nung tangtasayadak 23buba Classic Cup tanü asaya nung Tyrants Football Club, Ethereal FC aser Naga Terriers nungeri pei tata asaya kokogo.
Mezüngbuba asaya nung Tyrants FC puri MT Youth Club goal ka agi kokogo. Asaya nung goal kaji minute 50buba nung Viho Kin-i idaktsü.
Tanabuba asaya nung Ethereal FC aser Highway FC na kanga toktepa asayar, telok kati danga goal magütsütet asaya tembangba sülen Ethereal FC puri penalty ajanga 3-1 agi kokogo.
Tanü asaya tatembangbuba nung Naga Terriers puri 7-0 agi United Brothers ayong ayonga kokogo.
Asaya nung mezüngbuba goal minute 7buba nung Medo Angami-i idaktsü, iba sülen Khampei Konyak-i minute 14buba aser 26buba nung ta goal agütsür asaya mezüngbuba shilem score 3-0 nung tembang. Asaya tanabuba shilem nung Medo Angami-i pa asoshi goal tanabuba aser par telok asoshi 4buba, ta minute 33buba nung goal ka idaktsü. Asaya nung maneni captain Haotingmang Thomsong, Ayiezo Meye aser Khampei nungeri minute 41, 50 aser 56buba nung goal pongbuba, trokbuba aser tenetbuba, ta idakja parnoki asaya ayong ayonga akok.
November 6 nü asaya yamai alitsü:
* Foster’s FC vs Seiyhazou Hill Boys FC @ 10:00AM
* Sporting Club vs Dejavu FC @ 11:30AM
* Varacious FC vs EIMI United @ 1:00PM
* Naga Terriers vs United Kimhoma Youth FC @ 2:30PM