28 AR-i Bhandari nung gari lendong ajururtem kümzük

Dimapur, September 22 (TYO): September 20, 2017 nü Bhandari Police Station anasa gari lendong ajurur nisung ana HQ IGAR (North) kübok 28 Assam Rifles sepaitemi kümzük, ta tanü Lt Col Amitabh Sharma, PRO, HQ IGAR (North)-i sangdong ka ajanga metetdaktsü.
September 20, 2017 aonung 7:30 ako meta Mera Pani nungi Wokha leni aoba tata Dumper ka tsükoka liasü, aser iba osang angashia 28 Assam Rifles sepaitemi ilonga iba tesem jagi oa yirua aliba civilian ana kümzüka first aid agütsü.
Civilian ka tenüng agi, Gopal Bardewa tetsüng tabelen kanga mejungi yiru, aser pabo Assam Rifles sepaitemi maneni teyari agitsü atema Golaghat-i anir ao, ta sangdong nungsa shia lir.

You must be logged in to post a comment Login