2buba All Nagaland Fitness & Strength War akatsü

Dimapur, November 2 (Agencies): Universal Gym aser Cinescope Studio, Dimapur na senteper 2buba All Nagaland Fitness & Strength war, Sakus mission College Campus nung November 18, 2017, Honibarnü anepdang 9.00. ako nungi tenzüka akatsüba ayongzükogo.
Iba tetoktepba ya tanga tetoktepba dang nungi balaka lir kong takümi akhangba ama tashi aser endurance tetokteper tsüngda tokteper.
Yaküm iba tetoktepba mezüngbuba kanga takok ngua akaba sülen, tesem aisü nungi nüburtemi tenüng sanga aruogo. Iba tetoktepba ya Meren Jamir, Bendang Imchen aser Yanger Jamir nungeri achaayanga ayongzükba sentong ka lir.
Fitness & Strength war nung item tetoktepba tem alitsü: Bench Press, Deadlift, Burpees , Dumbell Snatch, Dipping, Thrusters, Pull ups Squats. Iba tetoktepba nung tetoktepertem tashi aser fitness napronga tendangtsü. Tetoktepba ajunga ya shibai mapang tatsütiba nung maparen ka tembanga inyaktetdir, pai akoktsü. Task ka metembangtetra aji surrender asüba ama züngshitsü.
Iba ya anogo ka event alitsü aser temaba jenjang nung takok angur nem senpet sen 20,000, 1st runners up: 10,000/- 2nd Runners up: Rs. 5000/- agütsütsü. Mannei temaba jenjang nung tembanger parnok asem nem trophy agütsütsü aser tetokteper ajak nem aser takokernem kuli kaket agütsütsü.
Tetoktepba nung shilem agitsü asoshi form tem Universal gym, Dhobinala Dimapur. Cinescope studio, Duncan basti, Dimapur, Kiran sorts nung angutsü. Taküm iba tetoktepba nung tongtibangtiba tetoktepba strength & fitness war dak alaka sub-events. Arm wrestling, Pull-ups aser Dipping alitsü. Iba dak sendakba nung osang tejangja aginüra item number tem nung tongteprateptettsü: 7005648565, 9856892437, 9856486175.