4buba Northeast Taekwondo Championship nung Nagaland-i medal 24 angu

4buba Northeast Taekwondo Championship nung Nagaland-i medal 24 angu

Rasemnü DSA Karimganj nung 4buba Northeast Taekwondo Championship aliba mapang tetsürtem Under 63kg category nung takok angur nem NTA General Secretary Lhouliebeio Khezhie (abelen)-i sempet agütsü tangokba noksa nung angur.

Karimganj, Aenjeti 10 (Agencies): DSA Karimganj, Assam nung Rasemnü tembangba 4buba Northeast Taekwondo Championship nung Nagaland-i medal 24 angu.
Iba asayamung nung Nagaland-i Gold medal pezü angu – Under 74kg Junior boys nung Keneilezo, Under 55kg Junior boys nung Keyinchingonbe Hega, Under 65kg cadet boys nung Ziita Shijoh aser Under 63kgs Junior girls nung Nenghoikim.
Kasa asayamung nung Nagaland-i Sliver 5 aser Bronze 12 nguteta category balala nung medal anguba ajak agi 24 alitsü.
Iba championship ya Karimganj District Taekwondo Association ajanga ayongzüka North-East Taekwondo Union (NETU) kübok asaya.
Rasemnü (Wednesday) tembangba 4buba Northeast Taekwondo Championship nung Nagaland Taekwondo Association (NTA) tenüng nung züngsem 45-i shilem agi.
Northeast state trok – Assam, Arunachal Pradesh, Manipur, Mizoram, Meghalaya, Nagaland aser SSB team nungi asayar 232 den ketdangser 25-i iba asayamung nung shilem agia liasü.

You must be logged in to post a comment Login