4buba Peren District Inter Departmental Badminton Tournament tenzükogo

Dimapur, November 7 (TYO): 4buba Peren District Inter Departmental Badminton Tournament tanü November 7 nü nungi Jalukie Town Indoor Stadium nung tenzükogo. Parliamentary Secretary for Sericulture, Home Guard & Civil Defence, Namri Nchang-i asayamung tenzükba sentong nung tong tesemdanger ama arua shilem agi.
Asayamung lapokba sentong nung o jembidang SAID Namri Nchang-i ashiba agi, asaya ya nüburtem longjemdaktsütsü asoshi sabang ka lir. Iba sentong tajung ayongzükba atema asayamung ayonger tenüng asangba den külemi pai asayartem dang pei akokba tajungtiba agi asayatsü asoshi ajungshi.
Organizing Committee, Convenor, Dr. Denis Hangsing lenisüba kübok iba sentong aka aser pai lokti pelaa agizükba o jembi. Sentong nung Idausile Iheilung-i ken ka aten aser Pastor, Ihusing Liegise-i sentong nung temoatsü meshia sarasadem. Iba asayamung nung department 15 nungi shilem agidar.