5buba 10-Northern Angami-I T20 Bash: Upper Bayavu Sixers aser P. Khel Eagles pur semi-final-i iogo

Kohima, December 6 (TYO): 5buba 10-Northern Angami-I T20 Bash asayamung tanü asaya nung Upper Bayavu Sixers aser P. Khel Eagles puri pei tata asaya koka semifinal-i iogo.
Tanü quarter final asaya tasembuba nung Upper Bayavu Sixers puri RS Challengers run 21 agi kokogo. Mezüng bat asütsü asoshi shimtetba sülen Upper Bayavu Sixers puri over 20 nung wicket 8 out sür run 136 yanglutet. Parnok rongnungi Vikato-i run 32 aser Mhombemo-i rn 30 ta yanglutet. RS Challengers pur atema Kezha-i wicket ana agi, ajisüaka run arishiba nung parnoki run 114 dang yanglur parnok ajak out asü. Parnok rongnungi Nyuyhenlo-i run timtiba yanglutet, pai run 45 yanglu. Upper Bayavu pur atema Pangerbai eicket asem aser Opantemsui wicket ana ta agi. Asaya nung man of the match Vikato nem pai run yangluba aser wicket agiba atema agütsü.
P Khel Eagles puri tatembangbuba quarter final nung Kenouzou Wolves pur run 109 agi kokogo. Toss akokba sülen Kenouzou Wolves puri tama fild asütsü asoshi shimtet saka parnoki P Khel Eagles puri run yangluba menokdangtet. Asaya nung P Khel Eagles puri wicket 6 out sür over 20 nung run 207 yanglutet. Sampri aser Imliba nati run 75 aser 71 ta yanglu. Kenouzou pur atema Yekivi-i wicket ana agi. Ajisüaka run arishiba nung Wolves puri over 20 nung wicket 8 out sür run 97 dang yanglutet. Parnok rongnungi Mghatovi-i run 41 yanglu. P Khel Eagles pur atema Vesan-i wicket ana agi, aser Sampri nem man of the match award agütsü.
December 7 nü semifinal asaya yamai alitsü:
* Lower Bayavü Giants vs North Block Warriors @ 9:00AM
* P Khel Eagles vs Upper Bayavü Sixers @ 12:30 PM

You must be logged in to post a comment Login