6 buba ‘Horsepower Challenge’ Oct 14 nungi 17 tashi Kohima nung akatsü

Tanü NAC ketdangpurtem aser züngsemtem-i osangbenertem den  Hotel Paradise, Kohima nung jembidang agiba yangi noksa nung angur. (Kohima, Aug 18, 2015).

Kohima, Aug 18 (TYO): Department of Youth & Sports Resources, Government of Nagaland-i teyari ajanga Nagaland Adventure Club (NAC)-i 6 buba ‘HorsePower Challenge’ taküm October 14 nungi 17 tashi Nagaland yimtiba nung alitsü metetdaktsüogo.
Iba HorsePower Challenge ya tesem ana nung alitsü, aser ibaji Meriema yimtak NU Campus anasa NFA Ground nung ka aser tanabuba tesemji Naga Heritage Village Kisama nung alitsü ta taonung osangbenertem den Paradise Restaurant, Kohima nung jembidang NAC Tir, Paul Rutsa-i metetdaktsüogo.
SUV Autocross aser two wheelers Motocross temji October 14 aser 15 nü Meriema nung alitsü aser Cars Autocross o Supermoto two-wheeler temji October 16 aser 17 nü Kisama nung alitsü. Supermoto two-wheelers yabo mezüngbuba Nagaland nung shilem agir asütsü ta paisa shisem.
Iba asaya nung takokertem ajak meyokteperbo senpet senji Rs. Rs 3.30 lakh asütsü aser iba den külemi kuli kaket aser takok marok dena agütsütsü ta NAC Tongti zülur Wb. Burakum Ao-i kasa osangbenertem jembidang metetdaktsü.
September 7 nungi October 5 tashi tejangrartemi tenüng agütsütsü akok aser Nagaland atena orr alirtem atema parnoki iba email nac.nagaland@gmail.com ajanga yoktsü akok mesüra iba phone number 08575039221 / 0986317444 ajang tongteprateptsü akok ta Bharat Prasad, NAC, Senyur-i shisem.
Ajio oda süaka, NAC-i Federation of Motor Sports Clubs of India (FMSCI) nung züngsem asüstü atema yoka lir saka aji telangzüba atadar ta kasa osangbenertemn den jembidang NAS Tir-isa metetdaktsüogo.