63buba Kohima Village Sports Association Meet osang

Tang tasayadak 63buba Kohima Village Sports Association (KVSA) asayamung nung  D Khel aser T Khel nungi asayartem tanabuba basketball match asayaba noksa nung angur.

Kohima, Aenjeti 17 (Agencies): Tanü 63buba Kohima Village Sports Association (KVSA) asayamung nung Lhisemia Khel aser Dapfhütsumia Khel tsüngda football final asayatsü.
Rasemnü football mezüng asaya nung Lhisemia Khel-i 6-3 agi Tsütuonuomia Khel madak takok angu, aser tanabuba asaya nung Dapfhütsumia Khel-i 1-0 agi Pfuchatsumia Khel madak takok angu. Tanü (Aenjeti 18, 2018) Kohima Local Ground nung L Khel aser D Khel tsüngda football final ya anepdang 7:30 ako nungi asayatsü.
Kasa asayamung nung teburtem volleyball asayaba nung T Khel-i direct set asem nung D Khel madak takok ngua tanü L Khel den final asayatsü. Tetsürtem mezüng volleyball asaya nung L Khel-i set 3-1 nung P Khel tsükdaktsü aser tanabuba asaya nung D Khel-i set 3-1 nung T Khel tsükdaktsü. Tetsürtem volleyball final nung L Khel aser D Khel asayatsü.
Teburtem basketball mezüng asaya nung L Khel-i points 48-43 agi P Khel tsükdaktsü aser tanabuba asaya nung D Khel-i points 64-56 agi T Khel tsükdaktsü. Final nung T Khel aser L Khel asayatsü.
Tetsürtem basketball asaya nung T Khel-i points 23-22 agi D Khel tsükdaktsü aser L Khel-i points 29-18 agi P Khel tsükdaktsü. Yangtepnü final nung T Khel aser L Khel asayatsü.
Kasa asayamung nung badminton aser table tennis asaya ya Indoor stadium nung iba osang züluba mapang tasayadak liasü.
Iba asayamung tenzüker anogo asemnü buba tashi nung medal anguba nung T Khel-i medal timtiba nguteta lir. Parnoki gold 17, silver 10 aser bronze 4 nguteta lir.
Pezünübuba nung anepdang 7:30 ako nungi tenzüka teburtem football, tetsür aser tebur basketball aser volleyball tetsür aser tebur final asayatsü. Indoor stadium Kohima nung badminton (open category), table tennis (open category) aser Chess (Individual) final ya 12:00 ako toroto nungi tenzüka asayatsü.