63buba KVSA meet nung sobaliba melangtepba asaya tanü asayatsü

Kohima, Aenjeti 18 (TYO): Kohima Village Youth organization-i ayongzükba 63buba KVSA meet tetembangbuba anogo nung sobaliba melangtepba asaya anepdang 9:00 ako nungi Kohima local ground nung asayatsü.
Iba melangtepba tetoktepba nung D.Khel, L.Khel, P.Khel aser T.Khel nungi asayartemi shilem agitsü, aser iba sülen Cross Country race 12.00 ako nungi tenzüka asemteptsü.
Asayamung tembangba sentong Rogonü (Hokolbar) nikongtsütsü 4.50 ako nungi tenzüktsü aser iba sentong nung Kohima Village Gazetted Officer Association tir Er. Keviletuo Yiese tetushi tesemdanger asütsü.
Yangtepnü (Brehostibar) tebur football asaya nung L.Khel puri D.Khel goal 4-2 agi koka gold medal ngutetogo. Tebur volleyball asaya nung T.Khel puri 25-14, 25-21, 20-25 aser 25-23 agi L.Khel koka gold medal ngutetogo. Tetsür volleyball asaya nung D.Khel puri 25-12, 25-13 aser 25-21 agi L.Khel madak takok ngua gold medal nguogo.
Maneni tebur basketball asaya nung D.Khel puri L.Khel 54-46 agi koka gold medal nguogo. Kasa mapang nung tetsürtem basketball final asaya nung T.Khel puri 23-14 agi L.Khel madak takok nguogo.
Iba osang agütsüba mapang tashi nung Badminton, Chess aser Table Tennis tetoktepba tem Indoor stadium, Kohima nung tasayadak liasü.

Medal tally yamai alitsü
G S B T
T.Khel 19 10 4 33
D.Khel 5 3 9 17
P.Khel 2 8 8 18
L.Khel 2 7 1 10