ABAM-i candidate tem Impur nung sarasademtsü jateper

Dimapur, Tsüklai 09 (TYO): Ao Baptist Arogo Mungdang (ABAM) ajanga 13buba Nagaland Legislative Assembly Election nung tokteptsüpur Aoer candidate ajunga den sarasadem mapang tajung ka agitsü asoshi jateper. Iba sarasadem sentong ya Impur nung Tsüklai 16, 2018 anüngdang 12:00 ako nung agitsü, ta ABAM Executive Secretary ajanga sangdong ka nung metetdaktsü.
Iba sentong nung Candidate den nisung timba agi pezü dang arutsü mepishir, ta ABAM ketdangser ajangasa shisem.
Constituency nung Pastor-temi candidate tem den tongtepratepa anepalua iba sentong nung anir arua adentsü sangdonger, ta kasa osang ajanga ashi.
Iba anogo tajung moajang, ta nüburtemi sarasadema atadi, ta ketdangserisa ayongzük.

You must be logged in to post a comment Login