Actress aikati kü dak tenük yoker: Kangana Ranaut

July 07, 2015: National Award takok angur Bollywood actress Kangana Ranuat-i, Bollywood actress aikati la dak nükmeremer, ta ashi.
Arishi küm 28 Kangana-i “Gangster”, “Metro”, “Fashion” aser “Once Upon A Time In Mumbai” nung shilem junga agiba ajanga nüngtugu kümogo, aser tawa sayaba “Queen” aser “Tanu Weds Manu Returns” film ajanga ano acting nung la sempet taliba jungkai adokogo.
Actress kari la dak nükmeremer asü ta asüngdangba langzüdang lai, “Kü dak nümeremer aika lir. Ni shinga tenüng meshitettsü. Tesülen ni parnok indangji jembitsü,” ta ashi.
Laisa, lai shilem agiba tesütiba film “Tanu Weds Manu” kanga takok anguba asoshi pelar, ta ashi.
La asoshi sen ya kanga tongtibang asü ta asüngdangba langzüdang lai, “Sen ajanga lenmang ka mesüra kar nungbo yarir ta ni bilemer. Ni shinga dak-a (sen nung) memetaloki inyaker, (sen ajanga) ni jangratema litettsü, ozü kibong yaritettsü aser ni pelatsüsa inyaktettsü,” ta ashi.