Adam shiba? Evela shiba? per shiba

  ~  I.Meren Lemtur, Tzüdikong  Town.

ABAM aser LKM-i atemzükba Nagaland nung taküm Election yabo Clean election asütsü ta sür Tsüngrem dang kanga sarasatema iba den Arogo lokdi kija ajaki sarasadema inyaka arudagi. Item ajak ya asen lima tasen ka küma yanglushitsü asoshi jilia nungi mapa tenzüka arur, saka election mapang anasa aru nung tzü nempokka ait ama nüpurtem ochimashi agi kümogo. Kechiba ta süra tepang O agibo clean election, saka mapa agibo akhi mapang dang nungi taküm yasa tamajungba amai bilemer. Tang reprangdangra Lipok dang Tsüngremi Eden tsüki nung atsü tiyong nung aliba süngjang nungi nenoki tekongshi aser techi ta ozüng agütsü, saka Per-i Eve-la den sensaksem tenzük, iba Perji dang centre nung PM Modi-i iba shilemji akir, aser Eve-la shilemji Aor Candetettemi agidagi, aser Adamji Naga nunger tangar kintemji asütsü. Per-i ni Eve-la ya dang mesüzükteterbo Eve-lai Adamjibo mesüzüktsü asoshi tasak mali ta jung junga metetyongji Per-i Eve-la mesüzük, anungji Modibai Nagalima Khristan lima jagi Hindu lima akümtsü asoshi temelatiba tasa kaji Naga nunger rongnungia Aortem ya lir. Anungji atsü tiyong nung aliba SEN yaagi ni Aor tulurtem nüm agütsüdi ta sür inyakdagi. Joko tangar kin rongnungi election mapang metongjongi adoker tekolak ajak angümtena ano Nagaland tanaben meyoktsü yongyaatarji tarutsü asen Aor tiajia koma ka asütsü bilemdangang ni! Tir yimyim Feb-15 2018 paper noksa nung NDPP-BJP ALLIANCE, CHANGE IS COMING ta noksa ana Present Reality aser COMMITMENT ta adoktsüba noksa ya present reality noksa lenmang majungba adoktsüba ya shiba Govt- mapang Nagaland present reality ya yanglutet ta nüpur ajaki shisadangtsü lir masü no! aser küm paika ya Naga nunger rongsen ajak auya-a chimar dang election tonga arudangang present reality ya angura na? Aser tangar lima tobur tajung lenmang noksa tangoker Naga nunger ajak mesüzütsü tesangra sentong yanglur atatarji! Anosa Naga limaji telongi lujen alutsü tenzükdagi. Iba den yimdak yimsüsür aser town palala nung nüpurtem dangbo yimsüsürtemi candidate dang nungi sen meshia magitsü ashir, saka reprangdangra tesem kar nungbo candidate temi sen agütsüba agi pei yangkubo sünga bendendagi. Ano iba den candidate tem nungi sen meshia agitsü asoshi tetsür teloka ta tebur teloka ta teloksa telok tenteba yabo taküm clean election nung ya teimba asütsü südi.
Hai! Asen Aortem, aseni mekangba nok agi asen dak alua tekolak atangtsü aser aleptsü ya metsübur no! Senpak semer yong Yisu yoka adokba Yihuda Iskariot-i agiba atakatem shilemji asen Aortemi agir masüa ma? ABAM-i ayongzükba temeshi yimti Impur lima taküma asen Aor candetettem adenshia Teyanglur tsüngjir taküm Tsüngrem kodanga memelenshiba Pa den azüngashiba ajanga Tsüngrem temolung menentsüba ka dang süra, Pai asenok dang Ni nenok Aortem dang temolung ajira no! ta shira asenok asoshi koda terasaba angutsü na! ta bilemer. ABAM aser LKM-i ayimoktsüba clean election shirnoki tashi angaa agizüka inyaker parnok temoatsü asütsü, shirnoki iba ya senzüka toktsür Mozü ki nung nü rongsen intoktsü, aser tasüba Leperi shibasa meyoktsü ta pa tepang ulushia pa pang lapokba küm ka asütsü tsübua bilemtsüra no!
Oh! Mitsa nungi taitsü ni! Khristan Tajungtem.