Adianu asem kasa anogo nung asü

Islamabad, Tsüklai 17 (Agencies) : Pakistan nung tebur ka pasasa prangpong agi kaseta asüba sülen ghonda ishika tsüngda nungsa tedi ka aser tenu ka densema süogo, ta osang ka ajanga metetdaktsü.
Arishi küm 35 tain Zahid Ali pasasa kasetba sülen adianu anajia temulungjang mapa meinyaki kümer süadok. Kechi tebilemba nung pai yamaji inyakar ashitsü makoker.
Pa asüba osangji angashili tedi tenüng agi Abbas Ali (küm 40) jia stroke ser mozükidangi bener aoba mapang len tom nung süadok, ta Geo News ajanga metetdaktsüo.
Tena tasümangji kidangi bener aruba mapang ano tenu tanubosang arishi
küm 28 tain Saddam Ali jia stroke ser süadok.
Ibaji yashi Punjab province kübok Gujranwala city, Ilyas kiyong nung atalok. Kasa kibong nung atalokba iba tejashitsü osang angashia kiyong nung
alirtem kanga dang aoksatep aser asür asem den asüpila sentong agitsü
asoshi parnoki yaritepa liasü, ta kasa osang ajanga metetdaktsü.

You must be logged in to post a comment Login