Agartala adena Bangladesh nungi North East nung internet angutsü

Agartala, July 11 (Agencies) : North East state tem nung telecom services tashi itshitsü atema Deobarnü Telecom Minister, Ravi Shankar Prasad-i Agartala nung mapatong ka tenzüktsü atema lung azünga yutsütsü.
Iba mapatong kübok Agartala nung broadband connectivity atema international gateway ka lapoktsü aser ibaji Bangladesh ajanga agütsütsü. Iba mapatong ya Idnia sorkar meyong BSNL aser Bangladesh Submarine Cable Company limited na tsüngda tenangzüktep agia tenzüker.
“Iba mapatong ajanga North East state tem nung telecom connectivity khuret tuluka koktettsü. Tang onoki Chennai nungi Kolkata adener North East nem connectivity agütsür. Tan mapatong ajanga Bangladesh kübok Cox Bazar cable landing station nungi Akhaura adena Agartala dangi lenmang tatsüba ajanga connectivity agütsütsü” ta Ravi Shankar Prasad-i osangbenertem dang ashi.
Iba mapatong nung sen crore 19.1 endoktsü aser küm shia sen crore 7.2 shi endoktsü.
“Iba ajanga bandwidth 10 Gbps angutsü aser ibaji 40 Gbps tashi atutsü akok” ta minister-isa shisem.
Iba mapatong ya 2016 January tashi nung tenzüktsü imlar.