Agartala nung osangbener ka tepset

Agartala, September 20 (Agencies): Bodhbarnü Mandai Tehsil tesem nung pro-BJP tribal party – Indigenous People’s Forum of Tripura puri lenmang nokdanga ayuba osang agiba mapang nung TV journalist Santanu Bhaumik tepsetogo.
Bhowmick ya local cable channel ‘Din Raat’ atema mapa inyaka liasü.
Osang ajanga ashiba agi, Yimden yimsüsüba tsütsü CPM aser IPFT züngsemtem tsüngda mangatettep adok aser iba mapang nung ajungbena Bhaumik ya oset techira ka agi tepseta liasü.
CPI-M puri ashiba agi, tamakertem ya IPFT pur züngsemtem liasü. Iba tatalokba sülen Mandai nung Section 144 benoka lir.
Police temi pa kümzüka Agartala Govt. Medical College-i anir ao saka pa kanga mejungi yiruru aliba ajanga mekümzükteti idakji süadok.