Agütsüba nung angati agüjang lai tesayuba

” …. nisungtem nem ngudaktsütsü asoshi yimjak nung teinyak. ” (Mat. 6: 1)
Mapang aben Khristian taküm ka nung agütsüba ya laishiba tetuyuba mesüra mezüng ozüngj i kechi ta tasüngdangba arur. Item telangzüba agüja aliba Lai O tem nungi angazüktsü. -Mathi 6: 1-4
“Nisungi agütsüba asoshi meinyaktsü kümdangang, aji mesüra kotak nung aliba nenok Tebu den nenok tajangzük maka. Anungji nai kodang angati ajungba mapa inyakdir, anemsüba ama sinagog nung aser yimti yimtong nung nisung nüngsang angutsü asoshi, ne jakdang jangzü tapuma. Ni nenok dang züngpung ashir, parnoki pei tajangzük ngugo. Saka nai kodang angati ajungba mapa inyakdir, ne teka tachichi agi temetetdaktsü.Oda nai angati ajungba ajungbaji temiimdak alitsüla : aser ne Bu shibai temiimdak nung pa sasa angur pai ne nem otia tajangzük.. agütsütsü.”
2 Korinth 9: 6-7 :- “Saka, shibai kurua proker pai kuru a arutsü aser shibai jenti prokdir pai jenti arutsü, ta ni ashi. Nisung shia kechi koda pei temulung nung mulungtet, aji oda agüjang, saka nungnanga masü, kangshia masü, kechiyong Tsimgremi pelashishia agütsüba meimer”.
Item lai o nungi asenoki ya angateti,Yisu Khristai asenok dang nungi agütsütsü imlar , kuli shidak akaba nung agütsüba aser iba ya Khristan külemba yimya tajung ta angateti.
Sarasadem : Khristian taküm ka ama, agütsüba nung ne nem tetushi agütsütsü melangma. Amen