Agütsüba nung ochi telemtetba

“Nai tamasa Pa yimli aser Pa temeshiba bushiang aser item ajak nü nem bendenloktsütsü … ” Mathi 6:33
Aseni dang tamasa Tsüngrem pelatsüsa inyakra asen akaba nungji Pai ana bendenloktsütsü. Aseni asen nungdakbaji memetet saka Pai ang asen nüngdak ajakji meteta lir. O Tsüngrem kü taküm nung ni ya kechi nüngdaker, aji kü nem agüjangma ta Tsüngrem dang meshidi. Ajak nung Tsüngrem metetbaji tongtibangba lir. Solomonji na asü-asübo naia kechi meshir lila? Tsüngrem metetba aser Pa dang asüngdanga sarasademer meshiba jagi telemtetba tajungji agiteter ta angazükdi. Telemtetba junga agitetba jagi nü ayak tali jangjar aser iba jagi Tsüngrem mapa tali sentsüwangshidaktsür. 2 Putipuyang 1:6-13 nungji, Solomonibo pungmang nunga telemtetba kanga junga agia Tsüngrem tsüngdang pai kechi nüngdaker aji meshi. Kanga dang shitak meshi nung memeshibaa dena Tsüngremi Solomon nem agütsü.
Adianutem, tanü asenoki tanga ajak toktsür tamasa aseni Tsüngrem bushira, aser Tsüngrem ya aseni ochi shia agizükra koda sur Pai aseni meshiba aser mepishiba magutsütsü. Pai agütsüba nungji asen nem ka tangji masü saka Pai bendenloka aika agütsütsü aser sayutsü.
Sarasadem: O Tsüngrem onoki nü nem agütsüba nung ochi agi telemtetba agidakjangma. Amen