Alima nung tambutisang

Indonesia nung tambur kati pa alima nung tambutisang asütsü ta ashir. Pa tang arishi küm 146 lir.
Mbah Gotho ya Central Java province kübok yim tila ka nungi lir aser pa December 31, 1870 nung aso ta zülua alibaji shitak ta Indonesia records office ajanga kuli ngutetogo.
Parnoki ashibaji shitak asünungbo pa alima nung tambutisang asütsü.
Pa dang tama France tsür, Jeanne Calment alima nung tantsütila liasü saka la arishi küm 122 nung alima nungi pila.
Wb. Gotho-i pa kinungtsü pezü aser tanurtem dang arishi talangba litetdar.
Pai 1992 küm pa asüdang agitsü asoshi longpak dena renema ayu ajisüaka iba sülen küm 25 süiaka pa taküm junga lir.