Allahabad Dalit kaketshir ka tepsetba nung tongti shilem agisang puogo

Allahabad, Tsüklai 14 (Agencies): Allahabad University nung Dalit lokti nungi kaketshir ka tepsetba ken o nung aija alirtem rongnung tongtiba puogo, ta police temi Rasemnü metetdaktsü.
Vijay Shankar Singh ya Rasemnü anepdang Sultanpur tesem nung lia puogo, ta Senior Superintendent of Police Akaash Kulhari-i ashi.
Rogonü restaurant ka kima mangatettep adokba sülen second year LLB kaketshir Dileep (26) ya lokti kati kanga mejungi azük aser pa anogo ana lir süadok.
Tang tashi nung iba tatalokba dak sendakba nung nisung pezü tashi pua lir.
Iba ken o dak sendakba nung Yogi Adityanath-i aniba sorkar parnok anemba party temi aitsüogo. Samajwadi Party tekolakba Akhilesh Yadav-i ashiba agi, iba tatalokba ajanga Uttar Pradesh ya ozüng raksar kaboma nung lir ta sayur.
Bahujan Samaj Party tekolakba Mayawati-i ashiba agi, iba keno ya BJP puri prokba casteist aser tesembatep politics ajanga atalokba lir.

You must be logged in to post a comment Login