Alokba Arogo ka nung tatidang agütsür

Board : Alokba taküm aser kibong atema dang mapa bushirji odangbo manioktsü, anungji question kar asüngdangi, achaa! Tsüngremi menütsütsüsa tamangeri inyakbaji kechisa?
Alokba : Ena!
1. Tangar li rakzük, saka Tsüngrem tenüng sanga kimong meshiteta sarasademba.
2. Injang agi dang khazüka election nung adok, saka onok nem yimsüsür tajung ka moatsüogo ta sarasademba.
3. Sübokrem agüja sen lakh aikati mapa ali, saka ozü chiri takok tulu nguogo ta sarasademba.
4. Yimten nung tangar o ajak langtetetba yimsüsür sotetjang ta mepishiba.
5. Ochimashi rongsen agi takar akümtsü meranga sarasademba.
6. Arogo aser lokti balala nung shidak tai masü saka majority dak metalokba.
7. Tashidak balakati asü saka kinungeri tashidak tanga kaang melentsüba.
8. Tsüngrem aser nisung tsüngdang kuli nangzüka sati asü, saka tanur mesora meinzüka yokba.
9. Nisung süaka shiruru süaka tamajungba ka Tsüngrem nem tenla agütsüba.
10. Tang nenoki shiogo, Arogo nung tanülabo maten taküm aser kibong atema dang mapai aniokba Arogo ngur Tsüngremi menütsütsü südi.
Board : Alokba, menatokang!

Lilir : I. Kilang Ajem, Indisen, Dimapur.