Alokba Doctor dangi Aoer

Alokba : Sir, tawaktsüa atua mapang talangka atar külen tangang chiokerji aitogo. Doctorba Ena, ni timtem tuluka lirja!
Doctor : Na kechi timtem lir? Marendaki shiang. Na latrine o Urine-i junga aoer asü mejungi aoer?
Alokba : Doctor, Latrine aser Urine-i aodang shibabo ajungtsü aka! Tejak sempaker nempanga aliba oset longkerak jaka ajak lapoker tashi ajunga agütsür Hüm! Hüm! Ta arra ola tapu ajak atodaktsür nung kechi ajungtsü aka! Tereprangtsüa majungtsü tangatsüa majungtsü nung koda!
Doctor : Alokba, süra na chi pangnanga chiyunger asü mechiyunger?
Alokba : Kinüngtsüi junga renemtsüra taka ajunga ken nungdang chiatoker, mejunggra mechiyunger ta dang adi.
Doctor : Süra na kechi timtem lir odang shiatokang?
Alok : Sir, ni poknüng majung asü, tokolok majung asü, tezü majung asü, terek teküp majung-ar, ni amatoker asemnü pezünü mechiyunger ken kenbo kenü nung asemben pezüben chiyunger, kenkenbo amatoker memejangi sangwadaktsür. Ano kenkenbo asemnü pezünü mesakidang mejanger alir, aji kechi tai asütsü?
Doctor : Ena! Nenok amala ya merijang nungang kar sotetter anoo!!!!
                                              Lilir : I. Kilang Ajem, Indisen, Dimapur.