Alokba-i akhi tejen tembar ka kinüngtsü den sensaksemer

Alokba : Ohi… Kabur, kidangi khen arudanger ako
T/Kinüngtsü : Wa-a-a pongmang amai tanepbo koda? Hi menang, Napur nüngdak ka ogo to, kidang ajak junga lir südi to?
Alokba : Ajak junga lir ako, süra ner-a tanurtem to komasa lir aji ?
Kinüngtsü : Umm…tanur tema tebur dangji to, ajak kibong kümogo jai.
Alokba : Ojanga, kabur nenata tia kar maka. Tsüa!!! Rapitsür tajung ajurura junger, aji mesüra TIKDARI…A…
Kinüngtsü : Süra na! Ni o ka shidi. Napur kenabo, “LEP KI SHIOGO” saka mapang lirji…ner tanurtem kibalembotsü nung itemi tendanger-ang ani asüngjang no…
i. Tetsü, tebou, tsürabur koma lia aru, tera (root) jungjunga bushiang.
ii. Yimten yimli yimsüsür kübok tashi anga, tarak maket, senso tajung ka ta lia aruba.
iii. Tiyazü O Ochi meyokteper, naklonaroa-a NI ALEP, NI ATSÜNG ta jembia jajaba.
iv. Pei chirnur, Semchisemnur dang tiyazü lenmang sayuba,
v. Peibo kecha masü sür nung tangar tenük agi manguba,
vi. Pei chir, kinüngbo aser kinüngtsütem, ochi temeden o mejembitettsüsa tebang nembangtsüba.
vii. Tarutsü putu tashi atakatem metsübuba… Aika lirko, saka na ariteper asünung iba tashi tang shidi no…
Alokba : O-O-Wali…tanep ya ni tarutsüla aruogo…tetsü kenatibo ano majangshiji…tzüra tema kaket tajung ka azünger ama angaogo. Shitak iba khuret ya akümlir ajaki ajanga aotsü ani…AYA-A..MAA…KAPUR KINÜNGTSÜ YABO…OOO

Lilir: Mrs. R. Mapukala Rtd Teacher, Chuchuyimlang (Merangmen)

You must be logged in to post a comment Login