Alokba O lanurtem tsüngda sayatenya Question Answer

Lanur : Oh! Tashi temeteter Alok, tanübo onoki nü dang sayatenya tatalokba ana shidi. Temeshi Lai ya kanga dang tatsüba agi zülua ta asüji, iba nung maliba ka yamai, Yakob tu belemseter arem min tiyong ka nung mejangba tesem tu tang ya Yirusalem tekülem ki tiyong ta asür. Ano kaji nashi tsük mejakdak su nung Yisu sor mejangdaktsüba, iba sünglepzükba tembang nung süngsem atuba sung agi Pa metaba kangki yanglua ta asür adi. Naia amanger asü mamanger?
Alok : Asenok ya Ak dang berem sayu amabo masü. Alima nung sayatenya atalokba shisadangra, shitaksa alitsü adi. Nia tarutsü indang sayatenya ana shidi. Alima nung shinner kadi ashiba kada mezüdoki arudar. Mapang ka nungbo Punjab lima nungi chuba ka adoka pa den sepaitemi miim mozü amshia China ya makdoker ano western lima amaki aotsü ta asür adi.
Lanur : Tesüngmangtsübo aji adi. Ano kajia shiang.
Alok : Kaji yamai, ni class work agütsüdi minute 5 shisadanger langzüangma. Nübu tasoba küm 60 lia süadok. Na küm 95 junger lia tatem anogo arur asürtem leper nungi shia arudang nena shiba tambu asütsü?
Lanur : Minute 5 tsüngda mangmangtep dang karbo Ranchi-i anir aotsüba renemtepdagi. Yakda shiangma.
Alok : Alima otsü agibo nebu nena arishi kümbo na timba, saka nebusa tambu asütsü adi. Kotak nung tatem maka ken tang tentepa pelateptsü. Mulumi nunga tatem maka mi agi ronga kangshidang tzü bushiteptsüji, item tesem nung nebu nena shiba tambu, metambu metettsü mapangji marutsü adi.
Lanur : Angatetogo Oh! Shisa taka Alok
Lilir : A.Maong Aier, Alongmen Ward, Mkg