Alokbai Naga nunger asoshi pa taküm bendanga agüja sarasademer

Oh! Anüng ali aser kechisarina yanglusang tamarener Tsüngrem, kü sarasadem jet ta langzüangma. Ozü lima tenüngsangbo aginer, saka medokmeperi onsara, ni tadongi shidi:
1. Nagaland for Christ tabo sangdong
2. Nagaland dry state taka sangdong
3. Saka meyi mapang gari nung senzüdang motor boat nung senzürang mesük
4. Apu adena odi asünung chireper aser ano state government a chireper
5. Tsüngküm mapanga lenmang ajak len mukdang mukdang dang ajurur
6. Lenmang tulu tesadema yangludi asünung tepenja dang adoker
7. Mokokminer ita shia store jang seret 10 agüja aliba anena adok
8. Tanü boksüng alir ita shia store jang seret 25 ali nung ki dongerbo seret 23 dang kümadoker
9. Post tazüng 6 adoka tatidang agütsü nung 2 backward area atema agitettsü, 2 1st aser 2nd nem agütsütsü aser tanüngba anaji ketdangsürtemi agiadoker.
10. Lipok otsü züludi asünung Ak mangumer tezülu ta asür
11. Yi ayoker menokdangteti timtema alinung yijemer onsara kümadok
12. Local paper züngdi asü nung khukua aitsür, tanü nungi pa/la ozü jala jabaso masü ta timba züngshitsü, ano shibai pa/la nem sen aputsüdir onok khuret masütsü taa züngshitsü. Mapangshia tetsür tashiyim agi raksatsüba atalokba ang züngshitsü.
13. Tatembangbuba nung centre government-i Nashi tetepset ta sangdong nung mapangshia nisung ang tepseter. Anungji nai yimlibilema item ya azüokjangma. Amen
Lilir : A.Maong Aier, Alongmen ward Mkg