Aluyimertem tebilemtsü onük balala atema Centre-i senden ka ayongogo

New Delhi, Tsüklai 15 (Agencies): Linük nung aluyimertem bilemtsü onük balala atema o lemteptsü asoshi Centre-i anogo ananü national conference- Tsüklai 19-20 anogotem nung ayongzükogo;
Iba senden tatembangbuba sentong nung Ato kilonser, Narendra Modi-a adentsü.
2019 küm Lok Sabha election agitsü aliba temlung nung yur sorkari ayongzük südi ta bilemer. Iba senden ya Union agriculture minister, Radha Mohan Singh-i Pusa complex nung tenzüktsütsü.
Taküm Rongchii (April) ita nung agriculture ministry-ia state balala nungi agriculture minister tem ayongzüka snden amentsü. Taruba hopta senden nungji Niti Aayog nungi ketdangsertem, farm price advisory body CACP, state universities nungi züngsemtem, aluyimertem aser aluyimertem tentet balala nungi lenirtem adentsü.
Senden mezüngbuba anogo nung farm tsütsü mongintem aser ketdangsertemi linük nung aluyimertem tebilemtsü balala atema lemsateptsü, aser parnoki lemtetba onüktemji kasa anogo nungsa Ato kilonser nem agutsütsü.
Election agitsü aliba states- Madhya Pradesh aser Rajasthan natibo aluyimertem yaritsü atema sangdongogo.
2018-19 küm Union budget nung Centre sorkari aonsotsü 23 atema minimum support price (MSP) ji shilem 50% dak tema asutsü sangdongogo. Kasa senden nung Madhya Pradesh nung price deficiency scheme aser Telangana nung cash transfer scheme onüktema süoka jembitsü.
Madhya Pradesh nung ‘Bhavantar Bhugtan Yojana’ scheme kübok state sorkari aluyimertem nem MSP tajungba kümtsüogo, aser Telangana nunga aluyimertem aser aluyimbaren atema schema balaka benoka inyaker