America nunger actor Terrence Evans süogo

Terrence-EvansAugust 10, 2015: America nunger actor Terrence Evans August 7 nü Burbank, California nung arishi küm 81 nung süogo.

Evans meyong küm talangka manager asüsang Phil Brock ajanga pa asüba osang lamsatepba mapang ashiba agi, Evans ya kanga tabensa aser tachitettsü kecha maliba nisung ka liasü aser pai mapa ajak kanga jangra aser marendaki inyaka liasü. Pai shilem agiba ajak nung pa yimya aser pa dak aliba tashi bendanga agüja liasü.

Evans ya ‘Terminator 2: Judgement Day’ film nung shilem agiba ajanga nüburtemi kanga jangja meteta aküm aser pai shilem junga agitetba film rongnung iba film ya-a ka lir.

Evans-i Texas Chainsaw Massacre, Clint Eastwood meyong Pale Rider, What’s Love Got To Do With It aser Chain Letter film tem nung shilem agia lir.

Aji dang masü saka pai TV sentong nunga shilem agia lir aser itemji, The Golden Girls, The Fresh Prince of Bel-Air, Hart to Hart, The A-Team aser Hill St. Blues otsütem lir.

You must be logged in to post a comment Login