Anogo kanga tatsük akümba ajanga Egypt nung 40 shi asü

Cairo, August 11 (Agencies): Egypt ajunga kanga dang tatsük akümba yong taoba anogo 2 tsüngda nung Egypt nung alir ishiba agi nisung 40 shi asüba osang jangjaogo ta Egypt health ketdangsertemi tanü Mongolbar nü metetdaktsüogo.

Egypt Health Ministry-i ashiba agi, “Egypt anüdoklentip tsütsülen densemba tesemtem nung tatsükji 100 degrees Fahrenheit shi tonga kanga tsüka akümba ajanga tan Hombar nü nisung 19 tashi asüba osang bushitetogo”.

Taoba Deobar nüa alima kanga tsüka akümba ajanga nisung 21 shi asüba osang bushitetba olen ka ministry-i tanü metetdaktsü.

“Nütsüng yongsük million 18 dak alidak, Cairo yimtiba nunga nisung 26 shi asüba osang tang tashi nung bushiteta lir,” ta ministry-isa shisem.

Tan asürtem rong nung nisung 3 Cairo yimti anüdoklentip tsütsü tentetba psychiatric mozüki nung taneptsü bushia alirtem aliba osanga jangjaogo ta ministry-i metetdaktsü.

Egypt nung mei mapang kanga tatsük akümer saka hopta ishika tejaklen nungi tenzüka Egypt kangasa tatsük akümba osang bushiteta lir.