Anogoshia ghonda kaka asemba ajanga arishi atsülangtsütsü akok

Taoba mapang bushisüngdang ka ajanga ngutetba agi, asemba ya exercise tajung rongnung ka lir, ta asatetogo, kechiyong iba ajanga temolungjang tashidak, cancer, blood pressure ajemdaktsür aser temang seret tajemba kümdaktsür.
Tawa bushisüngdang tasen ka ajanga ngutetba agi, teti asema aliba nisung, masemer dang nungi küm 3 agi talangba arishia alir.
Tanga tongutetba balala asadanga exercise balala agiba ajanga teyari aser tajangzük agütsüba aser item rongnung asemba ajanga koda tali tajangzük agütsür, aji bushisiteta lir.
Cycle anishiba aser jajaba naprongla arishi atsülangtsüba nung sendaka lir, saka item dak nungi asemba ajanga jenjang tera temaba nung tali tajangzük agütsüba bushisüngdangertemi ngutetba sangdongogo. Parnoki asadangba nung anogoshia ghonda ka asemba ajanga nisung ka arishi alitsüba nung ghonda 7 shi bendenloktsür.
Data balala parnoki bendenba ajanga sayuba agi, asemba kija ajanga arishi atsülangtsür ta masü, saka shirnok teti asema alir parnok arishi talangba alir ta ngutet.
Iba ya kechiba? ta asadangra item nisungtemi taküm anema alitsü asoshi yimya agi moko machir, yi majemer aser temang serrt jenjang shitak nung ayutsü asoshi meranger. Item ajak kuli balala liaka asemba ya exercise rongnung tajungtiba ta bushitetogo.
Maneni asemba den kulemi tanga exercise agirtemdak tashidak balala ajanga anojungi tasüba ajuruba aibenbo mataloker. Asemba aser tanga exercise meyoktepa agibajisa tajungtiba, ta bushisüngdangertemi metetdaktsü.
Asemba ya exercise tajungtiba lir, ajisüka ‘orthopedic’ mesüra tanga tashidak kar atemaba asemtsü nokdanger.
(Source – Internet)