Anü tashi den diesel multiple unit (DEMU) amshia jajaba train

India nung mezüngbuba anü tashi den diesel multiple unit (DEMU) amshia jajaba train July 14, 2017 nü tenzüktsüogo. Iba train ya Sarai Rohilla, Delhi nungi Farukh Nagar, Haryana tashi jajatsü. Iba train yagi küm 25 tashi train ka nung diesel litres lakh 5. 25 tashi tanga train dang nungi kümzüka arongtsü aser ibaji dang masü train takdang shia nungi carbon dioxide (CO2) 9 tonnes ajema kümdaktsütsü. Yimya agi train kaji küm 25 tashi amshitsü atema yanglur, iba tashi nungji train kati CO2 tons 1350 tashi ajema kümdaktsür.