AOER TASHIRTEMETETERTEM YA KECHI SAYATENYAR AKAA… ???

Yimdaklir    : Ohoi Aoer tulur-tashir jila nung alirtem, anogo shia nenok kati ka aitsütepa, kati ka tai putepa oda nok-nü hadir ammer raratepba danga tesashiba raratepba ya angudang onok yimdaklir mashi malu nisunga sünga tangar kin tsüngdang aakseter aanii…

Jila alir       : Ayeeeaaa…. kechi koda asüba agi nenok aakseter-ar shiangjong, onok jila nung alirtem kong kechi nung nai raratepyaa angu ??? saallaa yabo tai matoktsüa noo….

Yimdaklir    : Waamaa.. nenok jila nung alirtem osangkaket nung anogo shia amai kati ka dak temeyong metonglokja kati ka aija o tamajung oda tashitemeteter-temibo koda-kang mezülutsüla o aika zülutepa raraba ya koda??

  …. Ena lenir tajung, nai ashibaji ni nunga ta masür, saka lenir kari sorkar/lokti inyakyim kar indang pa/la tebilemba kar zülura, aser pa/la tangatetba denji ne tangatetba balaka süra, oda pai / lai yamaji züluaka nibo yamai-ang bilemer-a ta ne tangatetbaji kechi-ar ibaji indang-indanga rateta zülura ano nai züluba nungjagi-a nüburtem talila tajangzük kar angutsü, ajisüaka nai pa/la nüja-ren dak langka tejashiba aliba amai aija zülura, ne tangatetba tajungbaji masü saka nai pa/la anema zülur amai dang angateter. Aser osangkaket olemsabang & postmortem column ama nung anogo shia article tapu balala tashitemeteter alima meimertemi züluba ajanga tazüngertem tajangzük angutsü melen kati ka aitsütepa zülutepba yagi nübur tajangzük mengudaktsür ta metettsüla… Anungji shiba südir süaka, asen tenüng tetshia ya nai aibelen ogo ta asen dak tai tonglokja zülu-ka mesüra oda sorkar aser lokti inyakyim kar nung tim masü amai ajitetba nung pei tebilemba zülur dang akor, shibai züludir züluaka ajungaji alima nübur meimertem dang ta angateta kati ka züngshia akhümtsübutepa züluang niii… ta ajungshir adiii…

Lilir : L.Kika Pongener Aoyimkum, Dimapur.