Argentina FIFA tarensen nung 1 buba jenjang nguogo

London, July 09 (Agencies): Copa America 2015 asayamong final nung Chile madak takok monguaka, Argentina teloki FIFA tarensen nung temaba jenjang nguogo.
Argentina-i küm 7 nung tan mezüngsüa iba jenjang tajung ya angur lir.
Taoba Honibar nü tamakok nguaka, Gerardo Martino-i aniba Argentina teloki temaleni jenjang 2 tashi atutsü maongka ngua 1 buba jenjangji ajangzük.
Chile-ia Copa America takok marok agizükba sülen temaleni jenjang 8 tashi tua tang 11 buba jenjang nung lir.
Argentina-i 1 buba jenjang ajangzükba yong temaba jenjang nung alir, Germany aser Belgium nati tsünglangleni jenjang kaka lua tang 2 buba aser 3 buba jenjang nung lir.
Tanü Brehostibar nü adoktsüba FIFA World Rankings nung temaba jenjang 5 nung alir telok tarensen yamai lir:
1. Argentina
2. Germany
3. Belgium
4. Colombia
5. Netherlands

You must be logged in to post a comment Login