Arishi alangtsü atema tongtibang teinyaktsü asem

Moko achiba yimya toktsüba, temang touzük shitak ayuba aser yi majemba ajanga taküm anema aliba dang masü saka arishia atsülangtsü, ta bushitetogo.
Study ajanga ashiba agi, moko achiba yimya toktsüba, temang touzük ajema ayuba aser yi tali majemba ajanga tangar dang nungi küm tenet agi tali arishia alitsü.
Kasa study ajangasa, moko kodanga machirtem aser temang touzük shidak ayurtemi tangar dang nungi arishi küm 4-5 tali arishia alir.
Kasa study ajanga, tebur shirnoki temang touzük shitak ayur, kodanga moko mechidang aser yi terara dang ajemertemi moko achirtem, teyira aser yi tali ajemer tangar tebur dang nungi arishi küm 11 shi agi tali arishia alir,
Ano tetsürtem atemabo ibaji balaka, temang touzük shitak ayur, kodanga moko mechidang aser yi terara dang ajemer tetsürtemi moko achirtem, teyira aser yi tali ajemer tangar tetsürtem dang nungi arishi küm 12 shi agi tali arishia alir.
Iba study agirtemi arishi küm 50 nungi 89 tsüngdapur nisung 14,000 indang osang bendena asadanga liasü.
-Source Internet