ARISHIR NÜNGSHI KEN

-I. Sashimeren Aier)

 

Par Japan o England na,

Burma yimli raktepdang

Asü, nisung jenti dang

Tobour tajung yimtitem

Rongsena aoyi aküm,

Taochitsü linük Burma.

 

Ozü Ao tenem nungi

Akang, Ao Semersanger

Par Engraji pukhümi

Ozü ongtrok putisü.

Ulutsü mesüyasa

Yok, wabong tajung tesa.

Imla, linük ajungai

Arishirtem tabensa

Zonibanga azüa

Sarir sakua bener

Tongpang akok ken tena

Shilangtsü, soyim limai.

 

Oh, par taküm Kiburi

Ozü tamarenertem

Akümli rara nungi

Aja, asü tongpangi

Kodanga meshilangtsü

Ozü senso li jagi.

 

Temoatsüba Mungsong

Kong asü temeranger,

Iba meta penzüdang

Ozü mulung arir

Najiang ozü lushi

A takang sünüali.

 

 

Linük jongkok apongdang

Senti taküm laluba

Leper nung shireptsü mang

Küma oaka

Par tenüngji nüngshisa

Mesüliyim liküma.