Arunachal nung NSCN-R züngsem ka apu

Itanagar, Aenjeti (January) 12 (Agencies): Arunachal Pradesh kübok Tirap district nung sepatemi NSCN-R züngsem ka apu ta Rogonü (Hokolbar) Defence osang ka ajanga metetdaktsü.
Osang tejangja ka angazükba sülen Assam Rifles den police-i mita aodang Khonsa jila nung telungpurji apu, ta Defence otongdar Col Chiranjit Konwer-i ashi.
Paji Sergeant Major Manhua Wangpan ta jangjaogo aser pa ket nungi AK-56 assault rifle ka, injang, opium, tashiyim agi sen meshiba shidi, brown sugar, sen, debit aser credit card aika bena liasü, ta paisa ashi.
Pa dang asüngdangya asüdang pa 2015 küm NSCN-R nung züngsem aküm aser Khonsa jila nung sen sarutsü atema aru ta nangzük, ta Defence otongdarisa metetdaktsü.

You must be logged in to post a comment Login