Arunachal state Assembly nung Congress MLA ana anenogo

Guwahati, October 06 (Agencies): Tanü Arunachal assembly nung MLA ana anenba ajanga constituency ana nung menden tazüng kümogo aser züngsem 60 aliba Arunachal Pradesh Assembly nung Congress party züngsem 45 tashi aluogo.
Congress MLA ana state assembly nungi anentsü atema shidi agütsü aser Hombar nü ibaji Speakeri agizükogo, ajisüaka tenati sodi meshiba kulijibo mejangja.
State yimtiba, Itanagar nung Speaker office sangdong ka ajanga, Kanubari aser Khonsa East LACs nungi shimba MLA ana – Gabriel Denwang Wangsu aser Wanglam Sawin nati September 16 nü sodi meshiba shidiji agüja liasü.
Osang kar ajanga ashiba agi, tenati sodi meshitsüsa party telung nungi rongshia liasü. Wangsu aser Sawin na constituency ya Tirap aser Longding district na nung lir.
Tang Arunachal state assembly nung Congress züngsem 45, opposition BJP züngsem 11 aser tanüngba züngsem anaji Independent lir.

You must be logged in to post a comment Login