Asanguba tebu den sensak asemtsü asüngdanger

Asanguba :     Hai! Oba nü temangbo junga dang südi tu? Tanep yabo mapa kecha meinyaktet tzünglu kanga dang arur asünung anabo otsüren kar jembishinüa kazünüa arur aja?
Tebu :     Heeee… koba tanep ya nü ola osü tajung agi Obala den otsüren kar jembinüa kazünüa asüngdangba atema ni-ang tepelaba ako, süra tanü asüng nisungeri inyaksangshi maparen kar obalai nü dang tongtipang kar shidangdi no.
1. Shirem aser keyi nung aliba temo ayoker ta sür pongdang tilala nung tsünger sen tasak agi yoka nai ajurutsü saka aji timbaka Nashi aser Napong nungi agizüka yanglur ayokba timbaka asütsü. Ajia nai tendanga metettsüla.
2. Ano bendanglen nungi bener aruba ta sür Naro tejong tululu küma yanglur sen dalang agi nisung kari yoka ajurutsü, saka ajia nisung asüba leper nung Naro metena inokba aji bendena ayokba asütsü ajia nai bendanga metettsüla.
3. Asenok yakta dang takar akümtsü atema ta sür nisung kari Aonglemlatsü teret ta shia kanga junga aleppanger yoka ajurutsü ajia shibai metet nisunger tila tanur asüba leper nungi tetsüng tepen agiteta mesüra shiruru nungi agitetba teret timba asütsü aji nai bendanga metettsüla.
4. Tetsür temang shilem nung tanur amongba nu menden tebilemtsü alidang ajemba mozü tajungtiba ta sür kari tiyazü nung mojitsü rongloka sanger terepangtsü tanak sür tapak tilala kaket nung aleper yoka arutsü, ajia nai bendanga metettsüla.
5. Diabetes aser Blood Pressure aketer ajemba akümtsü atema mozü tajungtiba mozüji kendok Natzü ya alia jemang ta sür bottle tilala nung renemer arutsü, saka ajia asen kiset shiruru Nashi mesüra Napong indang natzü dang tiemba ayoker asütsü aser senbo kanga tasak agi yoka ajurutsü, ajia nai bendanga metettsüla.
Asanguba :     Hauni!!! Oba tanü na taküm arishi talang moaja onok den lishiba tajangzük onok dang tanü onoki meteta alitsü atema kechi o sa shiogo aji onok atema teti ajok ka ama kümdaktsür lilaba.
                                                  – Mr. S. Repa Pongener, Near DC Court, Dimapur.