Asentenshi II kensep sayaogo

Indisen (Dimapur), October 31 (TYO): Mongolbar anepdang Indisen Ao Baptist Arogo, Dimapur nung Asentenshi II (DVD) kensep Indisen Baptist Arogo Sannüker, Rev. Dr. Temjen Ozükum-i meshiteta sarasademer sayatsüogo.
Iba Kensep nung keta aliba asentenshi ken koba ajanga asen tsüraburtem mapang nung Tanela Temeshi milak meküploktsü aser asen lima nung temelenshi tulu adok, item ken tanü lanuasensortemi mamadoki maneni atentsü asoshi sarasadema 2013 küm volume-1 adok aser tang volume-2 adoker.
Nai nendaka aser sarasadema item ken anga tenra Asentenshi Tulu na aser ner kibong nung adoktsü.
Taginertemi item number-tem nung tongteprateptsü sangdonger: 9436065606, 9856503460, 9436600276, 9856890573.
Asentenshi II (DVD) kensep sayaba sentong nung Mrs. Sentila, Sunep Lemtur (Media Studio 24) ser Imcha Jamir (Tinted Light Studio) nungertemia o tatsütsü jembi.