Asia nung top 20 colleges nung India nunger college bo maden

London, Tsüklai 08, 2018 (Agencies): Asia kübok linüktem nung aliba college/university temaba jenjang 20 nung India nung aliba college/universities bo maden, ajisüaka yaküm Asia nung college tajungtiba top 200 nung India nunger college 33 aliba nungi takümbo college 42 tashi densema lir, ta tanü osang ka ajanga metetdaktsü.
Asia nung college tajungtiba temaba jenjang nung Singapore linük nungi lir.
Asia nung ‘Times Higher Education’ rankings ajanga bushitetba agi, Bangalore nung aliba Indian Institute of Science (IISc) ya India nung temaba jenjang nung lir, aser iba reju ya jenjang 29buba nung liasü aser Indian Institute of Technology (IIT) Bombay jenjang 44 nung liasü.
‘Asia University Rankings 2018’ top 200 nung IIT Madras jenjang 41 tashi lua küma jenjang 103buba nung lir.
‘Times Higher Education’ Editorial director, Phil Baty-i, “Asia rankings nung tangbo India nunger 42 densema lir aser ranking metrics 13 nungi metrics 12 nung tajungba kümogo,” ta metetdaktsü.
“India nunger metrics aika nung tajungba akumba ajanga, küm shia tajungba tajungba akumtsü ta kuli sayur,” ta paisa ashi.
China nunga college tajungtibaji Tsinghua University lir, aser iba university ya ‘Asia University Rankings 2018’ tanabuba jenjang nung lir.
Taküm iba tarensen 200 nung adenba college tasentem rongnung India nung aliba, Indian School of Mines (jenjang 141buba nung) aser Banaras Hindu University (jenjang 194buba) lir.
‘Asia University Rankings 2018’ top 10 nung college/universities ji:- 1. National University of Singapore (Singapore), 2. Tsinghua University (China) 3. Peking University (China) 4. University of Hong Kong (Hong Kong) 5. Hong Kong University of Science & Technology (Hong Kong) 65. Nanyang Technological University (Singapore) 7. Chinese University of Hong Kong (Hong Kong) 8. University of Tokyo (Japan) 9. Seoul National University (South Korea) aser 10. Korea Advanced Institute of Science and Technology (KAIST) (South Korea) lir.