Assam nung ISIS sapurtem lir : Assam DGP

Guwahati, September 29 (Agencies) : ISIS indang noksatem Internet nung kanga bulua belenshiba atema Assam police-i Islamic State of Iraq & Syria dak tenük yoker, ta state DGP Khagen Sarma-i metetdaktsü.
Assam nung tamangba yimsü tali bilemloka oa amangertem lir. Assam nung alirtemi ISIS saputepba osang aika angazükogo. Assam nung ISIS indang noksatem internet ajanga kanga sapua belenteper, ta DGP-isa ashi.
India nung intelligence agency kati ISIS indang osangtsüsang belentepba Internet traffic asadangba nung Jammu & Kashmir sülen Assam lir ta bushitet.
DGP Sarma-isa osangbener dang Assam nung tang tashi nung ISIS pur ka dang nguteta mali, ta ashi.
Assam Police CID aser National Technical Research Organisation (NTRO) nati ISIS indang maparen mita reprangdar, ta paisa ashi.
NTRO ya Prime Minister’s Office nung National Security Adviser kübok technical intelligence agency ka lir.