Assam Rifles-i nisung ka ket nung prangpong aser injang apu

Dimapur, September 22 (TYO): Prangpong shishilembar ka aliba osang ka angazükba sülem September 21, 2017 nü 36 Assam Rifles-i den police den külemi Dimapur kübok Naharbari village mita ao, ta Hokolbarnü Lt Col Amitabh Sharma, PRO, HQ IGAR (North)-i sangdong ka ajanga metetdaktsü.
Mita aoba mapang nung Assam Rifles sepaitemi nisung ka ket nung pt 22 mm Pistol ka den magazine, 12 Bore Shot Gun ka, pistol magazine ka, 12 Bore Shot Gun injang 8 aser cartridges (Shot Gun) injang terep 15 apu; iba nisungbaji Naharbari village, Dimapur District nung alir Akhei Achumi’er jabaso, arishi küm 34, Inavi Achumi lir ta jangjaogo, ta sangdong nungsa shia lir. Maneni bushisüngdangtsü atema pua alisang den pa ket nungi apubatemji East Police Station ket nung agütsüogo, ta kasa sangdong ajangasa metetdaktsü.