Asükwa aser telolungjang tashidak

Asükwa mapang temang nung teyari agütsüba ama timtema bener arutsür, ta takotet nisungtemi ashir. Temperature ishiba akümba ama, temekong ajanga temolungjang tashimait küma timtem agütsür.
Temolungjang tashidak aketertem, diabetes aser hypertension alirtem asükwa mapang kanga kümdangtsüla.
Temang nung tashi maitba ajanga asükwa mapang tanurtem aser tantsür-tambur (küm 60-85) temolungjang agi mapa junga meinyakteter, ta bushiteta lir.
Asükwa nung blood pressure tali kümdaktsür aser iba ajanga temolungjang nung tashi tali agütsür. Asükwa mapang temang nung temperature kasa kümdaktsütsü asoshi temolungjangi mapa tali inyaktsüsa akümer. Iba kisüng masü saka asükwa mapang asenoki mapa kangabo meinyaker, caffeine tali agir, tzü kanga ajema ajemba amala ajanga temolungjang-i mapa junga meinyaker.
Asükwa mapang temolungjang tashidak nungi kümzüka alitsü asoshi tasa kar:
-Temolungjang asoshi chiyongtsü tajung achitsüla, tatishitsü agi süngolemba aser süngjanglijang amala chiyongtsü peria achitsüla.
-Temo aketba chiyongtsü nungi pila-a alitsüla.
-Temesepba chiyongtsü aser moko amala mamshitsüla, kechiyong item chiyungtsütem ajanga blood pressure tali kümdaktsür.
-Temang arakzüdakja, teti exercise agitsüla.
-Temolungjang tashidak aketertem koma kangshir aji metettsüla.
-Asükwa mapang teti temang reprangdaktsütsüla.
-Süoshi talem asemtsüla.
Asükwa mapang temolungjang tashidak kisüng masü saka asthma, yimra, terok akongba, nguyangushiba tali kümdaktsür. Anungji item ajak nungi kümzüka alitsü asoshi asenoki asen temang mapang shia shia anepalutsüla.
(Source – Internet)