Auckland Classic nung Juan Martin Del Potro final tongoko

Auckland, Aenjeti 12 (Agencies): Teburtem kija tennis asaya nung Juan Martin del Potro kanga junga asayateta aruba ajanga pai tournament pezü nung asayaba nungi asembenbuba final tongtetogo. Pai Auckland Classic nung Rogonü straight set ajanga David Ferrer madak takok ngua Robert Bautista den final asayatsü lir.
2009 US Open aser Auckland asayamung akoksang, Del Potro-i Ferrer ya 6-4, 6-4 agi akok. Pai Stockholm asayamung koktet aser Basel final nung Roger Federer-i tsükdaktsü.
Argentina nunger World No. 12, Potro ya 2016 Auckland champion, Bautista Agut den final asayatsü lir. Bautista ya semi final nung Dutch nunger Robin Haase den tie-break asem tashi asayar final tongteta lir.
Bautista aser Haase na tsüngta ghonda asem jungnüa asayaba nung 6-7 (7/9), 7-6 (7/3), 7-6 (7/5) agi Bautista-i takok angu.
“Tia makatsüka asaya nung takoker ana malir aser ni akokba yong kanga pelar,” ta Spain nungbai ashi.
Del Potro aser Ferrer na mapang talangka masaya.
Mezüngbuba set nung Del Potro-i akokba sülen tanabuba set 2-1 aser 4-3 agi timba sür lia, Ferrer-i break point ka-ka sota yutet.
Saka Del Potro-i maongka kata amajok mekümdaktsüi meranga asayar takok ngutet.

You must be logged in to post a comment Login