Auer dangbo ashir kanga tamajungba

– I. IMDANG Ozukum, E.Er.BSNL.

(1) Lucifer Tsüngremi alima meyangludang Kodak nungi ajemzüka yoker liasü ta angateter
(2) Luciferji per daki ai aser per ajanga EVA la dang ashi, adangji nenok masütsü, nenoki Tsüngrem mesüka akümtsü, tajung tamajung meteta nenok tenük lapoktsü, Lucifer-i EVA ashioktsü,
(3) EVAI Adam temeshi nisung ashioktsü alima aser idakji alir ajak temenen aküm ajak dangi tasüba iba EVA ajanga aru.
(4) Na tashioktsür süra nü dang Mojing ta ajatsü nai mangashiyonga nü dang mojing ta jadagi ajaki na dang Tsübua reprangdar. Mojingla ta, mojingba ta per ta jadar nai mangashitsü saka, kodang per tepsetdir Ali nung maremer rangdong talang nung toloker ajaki angutsüsa meta-a ayur per to tepsetogo ta aji Ngur teni tepang nempanger mera teshinem menema oa doker iba perji na asütsü. Lipok tabu -3.
(5) Nai nisung ashioktsü na? Kibuba yipru mopongji ajiang terasaba ogo (nü dangi) tsüngrem mopong yipru na (mojing yipru dang ajar) Aji tamajunger kolak nung pokreptsü. Kibuba mit tesashiji Pa lung kutetba (Tsüngremi mulungtetba) Pai meinyak tashi aser merenem tashi meyipa aotsü. Tesülen anogo nungbo nenoki ya angatettsü. Yerimia 30:23-24. Koda tetsübutsü! Taküm nung kipong nung chir nür daki temoatsü masü atakatem, aser tamajungtiba tashidak nü dak Tongra Tsüngremi ajaba anena tokra koda metsuburno? Tashioktsuba ji meyipa ashioktsuba dangi Meyipang, memelenshira kenü jungkai adoktsü, na ajanga alima/kibong/telok ashioktsü nung na kong Jenoktsü., mejenpotsü. maksü tiai aitsü.
(6) Na Akhan? Tenangzükba lima nungjibo takar küma alitsü tasür Yiroko Yimti amakdang aoya yiruko yimti ji tenangzükba lima, tongli. Pa menen ajanga ai yimti nung temeranger sepoy aika tepset Akan tebutsü tai maka tanur tai maka par rongsen longnang ka dang aküm. Auer tem metsübur no ? Yihusua 7:24-26.
(7) Hai Tetsür naji Palistan tsür Delila-ji asü? Tsüngrem nisungji ashioktsütsü tasa jenti agia koktettsü südi, Samson (the little sun) O bendangtsü yokba (Tsüngremi shimtetba) Pa khu (hair) Tasen atoktsü akok Tsüngremi Pa semdangtsü asüng, Idangji na aser nü nüpur jendi nai ashioktsüba ajanga tasüba ajurutsü. Nai mezüngmeshiba tashi jagi nü dena nü madak tepreptsü, Obendangertem Tapu 6.
(8) Hai Bath-sheba? Nai kechiba? Chuba David-i ngudaktsünüa par kima anasa temang mangsa tzü chikoa David chuba dang sayu? Nai nübuba nür kibong pokyimdak tongpang nung taküm tenla agüja alibaji memeim no? Nür chir nür mepilemtetno? Na ajungtsü dang bilem no? Kechiba nü dak David-i azüapongdaktsütsü nai yanglu (jempi? Inyak, senzü, rakzük, kinungbu nai tepset? David ashioktsü, tanur nai tepset. Na Bath-Shiba-a asü? Samuel tapu 11… tetsübutsü masü no?…
(9) Oh Jezebel? Nai NABOT ashioktsü na? Alu rakzükna? Long agi onseta südaktsüna? (Nabo tejenokdak lir asü?) Nübuba nai ashioktsü? Nabot-a ashioktsü? Nabot zü azü (dog) agi menakna? Nübuba zü-a kesa azü (dog) jagi menaktsü.menakogo. Nanbo kilem jara nungi tsüka azü (dog)-i nü shi shisa-a achitsü nübuba Ahab nungi jakzükba tebur chanu ajak samatsütsü. Na Jezebel? Tashioktsürla tatem maka otsüsütsü ji na süra? Yasür nü otsü jembitsü koda tetsübutsü. Nai metizüktsü mapang arutsü. Tashioktsür koda kong jenoktsü jenokdak makatsü? 1Chubatem 21.
(10) Oh Haman? Nai Chubatsur Easter dena tepsettsü tasa atong, nai Yihuda nunger ajak ashiokja tepsettsü tasa asana? Nai Mortekai süng süklep 50ji ka nung suseta südaktsütsü kanga jangra na? idakji na Suseta süang nai tai maketer tepsetnür na? Nai yangluba nungji na asür asü. Esther tapu 5 tapu 6.
(10 Yakob chirtem nenok nubener? Nenoki nenu memeimna? Majinüna? Ashioktsüna? Ayokna? Nübua Ashioktsüna? Nübua jebdaktsüna? Nenu nenoki ayok pai nenok kanga meima liasü, pa tsüngdang Na mak asütsü. Pai maochiti asü nungbo nenok südaktsüla. Asaktsü masüna? Lipok tapu 37.
(11) Potifar kinungtsü? Nai yosef ashioktsüna? Na maksü koda ulura asü? Temenen onsara tulu agi nai Yusef atidang nai ashioktsü? Pa dak tanüla temeshi liasü, na mak asü masüno? Ashioktsür kaji tajung agi Kodanga matemtsü, tashioktsür nisungji kecha nunga temoatsü malitsü danger memeneptsü.
(12) Tashioktsür? Tsüngrem o jagi kechi ashir? Na Teraksar nisung, na meraksai liaka, rakzükraktemer nisung, Shingai na rakzükraktem mesüaka, na aiatai. Nai rakzükraktemba tatem kümer kelenbo na raksatsütsü, Aser na rakzükraktemba nung aniseta kümer kelenbo nü dak rakzükraktemtsü Isaia 33:1. Shidak ataloktsüsa. Metsüburno? Ya Tsüngrem oi ashir shiba tenarong aten pai anga-ang.
(13) Tekelak nisung? Kelak kepong agi bena aruba chiyongtsü nisung tsungdang tanang; saka tesülen pa tebang Longsang agi asüngtsü.Apijemtsu shin o 20:17, (Nai longsang ji mejaktetdima? Longsangji meyoktetdima?)
(14) Teyazü temeli agi anguba rongsenji meyipzüa alongba tangula; Shirnoki itemji bushir parnoki tasüba bushir. Nü temeli amshia rongsen rakzüktsü jangrarna? Na tasüba bushir ta laishibai nü dang ashir A.Shin 21:6.
(15) Oh Kaldi nunger?, chuba ozüng amer nai Ochi shir Daniel aser par medemer misem nung rongdaktsürnür? Parnok dak tekolak nung hku-a marong. Ashir, mak asütsü ta memetet Danil aser pa Medemer ashioktsünürtem, mak asütsü Danil tapu 3,
(16) Tongtipur, shisa ozüng ashir, ozüng tamajung yanglutsü pangjemertem, Medi Persia? Tesashi ozüng yanglutetertem, na aser nür kibong? Telok telok? Nai Danel Molosongzu nem chidaktsütsü ashioktsüna?
Tsüngremi Daniel molosongzü tepang shipangtsü, kechiyong Daniel Tsüngrem tsüngdang tai maka.
Chubai Daniel aitsürtem ajak molosongzü kangla nung poktsütsü ozüng agütsü, parnok ajak kangla nung Puoktsü ali matongdang, angupzüker shisaa chima, nai ashioktsütsü pilemer asü? Nai ajurutsü.
(17) Tembar tajung? Nai na ajangzüktsü meji nung ashioktsütsü atema tepang meseber ang ashioktsütsüno? Yihuda Iscariot Na? tepang memesebi danga ashioktsütet, na sen tatsuk 30 $ngua lirji koda. Saka Yisui Ashi, YIHUDA, (NA) nai tepang mesepba agi nisung chir ashioktsürno? Luke22:48. Yihuda Iscariot? Na sen-a magishi, tanüla sama, taküm alidang yongi pa soseta asütsü merang, lisü tokdang aser tepok nung tempang kadak to-oker tar tepin adokba pai angu mesen pa dak ala, mesen agi kangasa kangshi. Tsüngrem o-i ashir.
(2) Ashiri-bo kesa-a kangkidong nungi tasütsü temetet sürnung Yisu atala? Ashioktsür ano atalabaji Koda tesasatsü aser temeimtsü. Sangremer tsük ama wazüka yutsü nung asüküma malitsü merangdi, Temulung lema mepilemtsüla. Ashioktsübaji mashioktsüba dangi meyiptsüla. Süra kangki nung auer Ama, mesüra tsükjong tajung küma tejang tajung atangba süngdong ama seratong ama na arishi talang melenshitsütsü koka lir, T. Ken 92:12.
(3) Auer tali akatsü meranger. Makaba agi auyar. Saka ashirbo yamaji masü, Candidate ka ashioktsüba jagi Candidate jagi alimaji ashioktsür aser alima ajunga takoksa aludaktsür. Nai Vote alitsü sen meshi aser nai Chiatok aser candidate ashioktsü. Küm ka na election sen achi, küm pungu constituency pur kecha mangur.
(4) Ajaki nü mapa meteta lir joko candidate-i na majinür, Tsüngrem tsüngdang tesempatsü nü mapaji, kelakoktsüba mapaji kija, Kipong, lokti, alima ajak aser na nü sasa kelakoktsür ka asütsü.
(5) Nai ashioktsüra künü na ashioktsür nai ajurutsü aser aji nai perokba nai arubaji asütsü, memelenshira Asüng nü dak ataloktsü. Tsürapuri tsükmenatsü tasen achi, chir nur tepu mejembaji nai tasen achiba agi Chirnur tepu mejemtsü tepu mejemra kecha mechitettsü, Yerimia 31:29.
(20) Nü dak nisungi mang mayangtsü akok nai akoktsü ta bilemer asü? Masü masü! Temeimbatem nenok sasa mang teyang, saka Tsüngrem ain atokba ata-a liang. Kechiyong yamai zülua lir, Kibubai ashir, mangyangba kü meyong, Ni shia agütsütsü.
Tsüngremi tajung leni azünger ajak moajangma Amen.

You must be logged in to post a comment Login