Australian Open nung Sharan aser Bopana tasembuba round tongtetogo

Melbourne, Aenjeti 19 (Agencies): Divij Sharan-i taoba Grand Slam nung ajangtetba jenjang tanaben ajangteta tang tasayadak Australian Open tebür tarep asayatsü nung tasembuba round tongtetogo. Kasa mapang nung Rohan Bopanna-ia pa indang partner den pre-quarterfinals tongtetogo.
Tebür tarep asaya tanabuba round nung Fognini aser Marcel Granollers nati Sharan aser Ram na den kanga meranga asaya, saka Sharan aser Ram-i ghonda ana sür minute 8 nung 4-6,7-6, (7-4), 6-2 agi iba asaya akok.
Sharan taoba küm French Open asaya nung Purav Raja den tasembuba round tongteta asayaogo. Paisa maneni 2013 küm US Open tasembuba round tongteta asayaa liasü.
Kasa asayamung nung jenjang10 buba nung aliba Indo-French team Bopanna aser Edouard Roger-Vasselin nati Portugal nunger Joao Sousa aser Argentina nunger Leonardo Mayer madak 6-2, 7-6 (3) agi takok nguogo.