Australian Open tebur tarep asaya nung India nunger asayartemi takok angü

Melbourne, Aenjeti 18 (Agencies): Australian Open tebur tarep asaya nung India nunger tennis asayar mongin Leander Paes aser Purav Raja nati tena den asayar Nikoloz Basilashvili aser Andreas Haider-Maurer na koka tanabuba round tongtetogo, iba den külemi Rohan Bopanna aser Divij Sharan nata tanabuba round-i iogo.
Mezüngbuba round nung Paes aser Raja nati Austria nunger Nikoloz Basilashvili aser Andreas Haider-Maurer madak 6-2, 6-3 agi takok angu. Tena taruba asaya British nunger Jamie Murray aser Bruno Soares na den asayatsü.
Kasa mapang nung Divij aser jenjang 16 buba nung alisang Rajeev Ram, nati mezüngbuba round asaya nung Romania nunger Marius Copil aser Serbia nunger Viktor Troicki madak 7-6(5), 6-4 agi takok angu. Tena tanabuba round nung Italy nunger Fabio Fognini aser Spain nunger Marcel Granollers den asayatsü jangjaogo.
Maneni jenjang 10 buba nung alisang Rohan Bopanna aser France nunger Edouard Roger-Vasselin nati America nunger Ryan Harrison aser Canada nunger Vasek Pospisil na 6-2, 7-6(5) agi kokogo.